May Fairness ba sa Hell??? O_o

“Go to hell!”

Yan, kapag galit ka at medyo on the sosyal side ka, yan ang mga salitang masasabi mo.

Hell, infierno,impyerno…

Ang lawa ng apoy…

Ang lugar na kinatakutan ko na simula ng bata pa lang ako…

Hindi ko ma-imagine kung gaano kainit sa impyerno, eh ito pa nga lang na kasalukuyang klima sa Pilipinas tuwing summer eh nakakamatay na ang init, at dahil mapagmahal ako sa kalikasan, hindi ako gumagamit ng aircon to conserve energy and power (echos! Hamak kasing maralita, walang pambili ng aircon at sayang sa kuryente, kaya paypay mode na lang.)

Gaano nga kaya kainit sa impyerno? Ano kaya ang feeling pag andun ka? Meron kayang binibentang sunblock dun? Meron kayang coke sakto pampatid ng uhaw? O kaya halo-halo man lang para marefresh ang mga tao?

Nung bata pa ako, takot akong gumawa ng kasalanan, takot akong magsinungaling, mangupit, manakit, etc. (pag nahuli! Ahek). Oo, takot nga ako, WHY? Dahil sa impyerno. Sino ba naman ang gusting mapunta sa lawa ng apoy di ba?  

Sabi nila nung bata pa ako, mapupunta ka sa impyerno pag gumawa ka ng kasalanan. Mapupunta ka sa impyerno pag hindi mo nakilala at tinanggap si Jesus Christ.

Ngayon, babalik na naman ako sa level ng kasalanan…

Imagine this…

Si Makasalanan A – Kumupit siya ng candy sa tindahan ni Aling Puring, sa sobrang pagmamadali niya hindi niya namalayan na may balat pala ng saging sa harap niya, nadulas siya, aksidenteng nauntog ang ulo niya sa batong malaki, nabagok, namatay…hindi siya nakapagsisi…

Si Makasalanan B – Biglaan siyang namatay bunsod ng madalas na pagkain ng maaalat at mamantikang pagkain gamit ang pera na kinurakot niya mula sa kaban ng bayan. Hindi rin nakapagsisi dahil nasa gitna ng kasarapan ng pag-nguya ng malutong na balat ng lechon…

And then ito na…papasok na sila sa pinto ng impyerno, andun si Satanas nag-aabang…

Dalawang taong may ginawang kasalanan, parehas nagnanakaw…Isa nagnakaw ng candy at isa nagnakaw ng milyong-milyon…

So papano kaya ang magiging senaryo?

Magiging fair kaya si Satanas? (very ironic)

I-wewelcome sila ni Satanas, papasok sa kanyang MALEVOLENCE RESORT na may malaki at malawak na infinity pool, na imbis na tubig, eh apoy.

THIS IS SO UNFAIR!!!

Unfair di ba? Si Kuya M-A, ninakaw niya CANDY lang…si KUYA M-B…milyon-milyon…Siguro kung ako si kuya M-A ang maiisip ko, bakit kasi candy lang ang ninakaw ko, dapat dinagdagan ko na ng softdrinks, ganun din naman pala ang kahihinatnan…

Meron kayang level of heat and agony sa impyerno?

Kasi tingnan mo ah? Si Kuya M-A, i-wiwelcome siya at makakasalamuha niya sa loob yung mga pinakamasasamang tao sa entire history ng buong mundo…Makakasama niya yung maraming pinatay at pinapatay na tao, mga taong nagnakaw ng limpak limpak na salapi, mga taong walang budhi, mga taong walang konsensiya…

Ang unfair kasi yung mga taong may kasalanan dito sa atin, basta may pera ka malaya ka…o kung nakakulong ka man, may sarili kang aircon, may Wi-Fi, laptop, etc. Well, at least sa impyerno, pantay-pantay na lang sila.

Walang kasing unfair… Anyway, may FAIRNESS ba sa impyerno? Ahaha…that is the question…

Ngayon, papano kung ganito ang senaryong dadatnan nila kuya…

Sasalubungin sila ng receptionist ng impyerno. Then using biometric scanner, i-aaccess ni ate receptionist yung mga information about sa taong papasok sa impyerno. Then, bibigyan sila ng card para sa mga room na pupuntahan nila. Merong tatlong areas ang resort…

Ang first area, katamtaman lang ang init, mga kasing-init ng pinakamainit na temperatura ever recorded sa history ng mundo. Dito pupunta yung mga kaluluwa ng mga kagaya ni kuya – basic evilness ba…

Ang second area ay para sa mga mediocre level. Dito triple ang init. Dito papasok yung mas bongga ang kasalanan kesa kay Kuya M-A.

At ang huling area ay sampung beses na mas mainit…Andito yung mga sagad hanggang buto ang kasamaang ginawa sa mundo…Yung mga pumatay ng madaming madaming tao…yung nangurakot ng malalaking halaga ng pera, na naging dahilan ng paghihirap at pagkamatay ng ibang tao…at yung pinakanakakasulasok na pwedeng magawa ng tao sa lupa…Dito sila lahat, kasama nilang magswiswim galore si Satanas sa infinity pool of fire…Bongga!